يا ترى ايه هى العلاقة بين تقبيل الاطفال والامراض

اهلا بيكم قرائى الأعزاء  فى موضوع جديد من مواضيع حياتنا

احنا عندنا فى مجتمعاتنا العربية شوية عادات وسلوكيات ....المفروض بصراحة ......يذهبوا الى كتب التاريخ ...يعنى نقرأ عنهم فقط وكأنهم فى الماضى وليس الحاضر او المستقبل .

وعقبال ما يحصل ده ان شاء الله ..ممكن نعمل ايه؟!

ممكن نقرأ مع بعضينا كده هذه التدوينة ويارب تكون مفيدة للجميع

صحة الطفل وتقبيل الكبار

          الأطفال أحباب الله ونور عنينا وخصوصا وهما بيبى بيبقى مغريين كده للأحضان والقبلات طول النهار...فعلا فهم زينة الحياة الدنيا وملائكة الجنة على الارض ....ربنا يرزق كل مشتاق .

          اوقات فى دنيتنا ديه بنعمل حاجات كده بنكون متعودين عليها ...يعنى بنعملها بصورة تلقائية من غير من نفكر فيها ولا فى اثارها على نفسنا او ال حوالينا

        زى كده ما ربنا يرزقك بطفل جديد ...بتبقى الدنيا مش سيعاك من الفرحة ، وخصوصا بقى لو اول طفل ليك بتبقى الدنيا وال فيها

        وعلى اد فرحتنا  وحبنا لهذا الطفل ..الا اننا ممكن نساهم فى آذيته والتسبب فى مرضه وذلك عن طريق بعض السلوكيات الخاطئة ال اتعودنا عليها من زمان وما زلنا نمارسها حتى الأن بشكل تلقائى وعفوى زى تقبيل الطفل من فمه .

يا-ترى-ايه -هى-العلاقة-بين -تقبيل- الاطفال- والامراض-بصمة خير

عارفين ..... ان بمجرد تقبيلك لطفلك على فمه  " سواء ام او اب او اخوة او اقارب " فانت بكده بتكون السبب فى كارثة للطفل الرضيع حديث الولادة قبل سن سنة .

وذلك لأن احنا الكبار بنحمل فيروسات فى اجسامنا لا تصيبنا بآى أذى لأننا بقى عندنا مناعة ضدها على مدى سنوات عمرنا لكن الطفل المولود لسه مناعته ضعيفة جدا وال بتبدأ تتكون بعد الست شهور الأولى .

ممكن ماما الحاجة ترد عليا وتقول بس احنا بنرضع طبيعى وبكده هانحميه من المرض !

هاقول لحضرتك كلامك صح بس بنسبة معينة... بمعنى ان الطفل ال مش بيرضع طبيعى بيكون متعرض بدرجة اكبر للعدوى الفيروسية او الميكروبات وبالتالى ال بيرضع طبيعى هايتنقله العدوى برضه بس بنسبة اقل من الطفل الاخر .

اقرأ أيضاً : 
                 امراض ومن حاجات بسيطة

                 لماذا - قسم - افكار و سلوكيات

ان مجرد تقبيل طفلك من الفم ينقل اليه مختلف الامراض المعدية عن طريق نقل الفيروسات والميكروبات له الموجودة فى لعابنا  فتتحول الى نزلات شعُبية أو التهاب رئوى او التهاب للفم واللوزتين أو الحصبة الألمانية أو ما يعرف بمرض الحمى الغدية المعروف باسم مرض التقبيل وينتقل من شخص لأخر عبر افرازات الفم .

لذلك لابد من تغيير هذه العادة التى تؤذى اطفالنا من خلالنا وتقبيل الطفل على جبهته أو خدوده أو  يديه أو اى منطقة فى جسده غير فمه .

ان لصحة الطفل وسلامته اهمية كبرى لذا لابد من تغيير عاداتنا الغير صحية وكذلك تعليم اطفالنا هذا وذلك بمنعهم من تقبيل المولود الجديد من فمه وهم تلقائى سوف يقلدوننا عندما ننتهى عن هذه الممارسة .

إقرأ أيضاً : 
                 طلاب المدارس والكوارث 

                 كيف تكتب لكن

                لا تكون إمعة

وكذلك تعريف الأقارب والأصدقاء بمخاطر تقبيل اطفالهم واطفالنا من الفم حتى يعودوا انفسهم على ترك هذه العادة الضارة بصحة الأطفال وابدالها بتقبيل اى مكان فى جسد الطفل غير فمه .

وبالتالى تنتشر عادة صحية وتنتهى من حياتنا للأبد عادة غير صحية وضارة بأحب خلق الله الى قلوبنا جميعا .

يارب نكون استفدنا من هذه التدوينه وباتمنى اننا جميعا نكون البذرة الاولى فى تغيير سلوكياتنا وعاداتنا للأفضل والأحسن لينا كلنا .

اراكم ان شاء الله فى تدوينه اخرى ومع سلوك اخر موجود فى حياتنا,,,,